DAVAO CITY – Hingpit nang nadawat sa lokal nga kagamhanan sa Davao de Oro ang pinansyal nga hinabang gikan sa City Government of Davao alang sa mga nabikitma sa mga kalamidad sa probinsya.
Nikabat sa P1.6 million nga hinabang nga personal nga gipaabot ni Davao City Disaster Risk Reduction and Management Office head Alfredo Baloran ngadto kang Davao de Oro Governor Dorothy Montejo-Gonzaga.
Kahinumdumang giaprubahan sa 20th Davao Cit Council ang paghatag og financial aid gikan sa pondo sa disaser fund sa dakbayan, dihang unang nagdeklara og State of Calamity ang probinsya human sa pagtay-og sa linog kaniadtong Marso 6 ug 7, ning tuiga.
Gikan sa maong hinabang, tig-P300,000 ang madawat sa lungsod sa New Bataan ug Maragusan nga unang nagdeklara og state of calamity.
Samtang P1 million sab ang gitunol ngadto sa provincial government sa Davao de Oro. Sumala sa pinakaulahing datos sa PDRRMO, nasa dul-ang 230,000 ka mga pamiya ang apektado sa nahitabong paglinog, samtang nasa dul-ang P198 million ang gibilin niining danyos sa mga imprastraktura ug gambalay sa tibuok probinsya.
via || Bombo LJF
