DAVAO CITY – Gilaumang makadawat og P1.6 million nga calamity assitance ang probinsya sa Davao de Oro nga ayuda gikan sa lokal nga kagamahanan sa Davao City.
Gikanayon ni Davao City Disaster Risk Reduction and Management Office head Alfredo Baloran, giaprubahan na sa city council ang financial assistance alang sa mga lugar sa Maragusan ug New Bataan sa Davao de Oro nga gitay-og sa linog kaniadtong Marso 7.
Tig-P300,000 ang madawat sa duha ka lungsod sa probinsya, samtang makadawat sab og P1 million nga hinabang ang Davao de Oro LGU.
Basehan sa paghatag og ayuda ang subling pagdeklara og State of Calamity sa mga munisipalidad, ug ingon man, tibuok probinsya sa Davao de Oro.
Una nang nagpaabot og hinabang ang Davao City LGU pinaagi sa gipanghatag nga mga food packs sa mga apektadong residente.
Pormal nang ihatag sa Davao City ang maong hinabang ngadto sa probinsya sunod simana.
via || Bombo LJF
