DAVAO CITY – Laraw sa Bureau of Customs Port Davao nga himoong alternatibong logistic hub ang Southern Mindanao gumikan sa kanindot nga lokasyon nga gikahimutangan sa Davao Gulf.
Sumala ni Erastus Sandino Austria, BOC-DAVAO District collector, laraw nilang himoong alternatibong logistic hub ang Southern Philippines dili lang alang sa Pilipinas ug Brunei- Indonesia-Malaysia-Philippines East Asean Growth Area (BIMP-Eaga), apan alang usab sa tibuok asosasyon sa Southeast Asian Nations (Asean).
Sumala pa, pinaagi sa maong lakang , mamahimo na makasuporta sa ubang pa nga mga dagkong trade centers sama sa National Capital Region (NCR) ug Singapore nga naglisod na nga muakomudar.
Matud ni Austria nga gumikan sa gilawom ug maayu nga lokasyon sa Davao Gulf ug kadaghan nga mga pantalan sa rehiyon, mamahimong muakomodar ang rehiyon og daghan nga mga barko nga muadto sa rehiyon.
Gikanayon usab ni Austria nga gi-adopt na sa Regional Development Council ang maong plano ug mimugna na ang technical working group ug usa ka polisiya ug proposal aron mapresentar ngadto sa National Economic Development Authority (Neda) aron i-adopt.
Gikatakda usab mupahigayon og labing-unang miting ang technical working group karong Marso 21, 2023.
