DAVAO CITY – Pormal ng gi-welcome sa Davao City ang mga delegado gikan sa nagkalain-laing nasud atol sa tulo ka adlaw nga Meetings, Incentive Travel, Conventions and Exhibitions (MICE) Conference 2023 nga ipahigayon sa SMX Convention Center gikan sa Marso 1 hantud karong adlawa, Marso 3, ning tuig, kini human makadaog ang lungsod sa bidding kaniadtong 2019 nga mugunit sa maong aktibidad.
Gipangulohan ni Bise Mayor J. Melchor Quitain ug Tourism Promotions Board COO Margarita Nograles ang maong opening ceremony diin subay sa datus, anaa sa kapin 500 ka mga in-person delegates sa Davao ug gatusan usab ka mga virtual delegates ang gilaomang musalmot sa MICECON 2023 edition.
Sa temang “Blazing New Trails” ipresentar sa MICEON ang mga pamaagi kung giunsa gibag-o sa COVID-19 pandemic ang industriya.
Dugang pa, pagahisgutan usab sa tanang mga invited speakers ang mga nagkalain-laing natad sama nalang sa global and new trends in the MICE industry, tourism regeneration, cutting-edge event designs, sustainable practices, technological innovations ug daghanan pa.
