DAVAO CITY – Gipahayag ni Davao City Water District spokesperson Jovana Cresta Duhaylungsod, nga target karong panahuna sa Septage Management Program (SMP) ning dakbayan sa Davao nga mamahimo na kining operational sa dili pa matapos ang tuig 2023.
Dugang gipahayag sa tinubdan nga anaa sila karon sa infrastructure development phase ug nahisakop niini ang pagtukod sa treatment plant nga gilaumang matapos sa fourth quarter o sa katapusan nga bahin karung tuiga.
Ang nahisgutang pasilidad mao ang labing una nga government-owned septage treatment plant nga nahimutang sa 3,300-square-meter patch nga luna sa Malagamot Road sa Barangay Indangan.
Gikabutyag nga usa kini sa lima ka mga treatment plants nga ubos sa nahisgutang programa.
Laraw sa SMP service nga i-diretso ang mga water waste gikan sa panimalay ngadto na sa treatment facility aron nga ipailalom sa proper treatment una kini i-dispose.
