DAVAO CITY – Opisyal ng gisugdan karong adlawa, Marso-uno ang pagsaulog sa ika-86th Araw ng Dabaw.
Ang nahisgutang kalihukan mao ang unang selebrasyon nga pagahimuon face-to-face sukad sa tuig 2019 gumikan sa pandemic nga Covid-19.
Gisugdan ang selebrasyon sa Araw ng Davao pinaagi sa usa ka misa pasasalamat kun opening mass sa San Pedro Cathedral ug gisundan kini sa mga kalihukan sa Rizal Park.
Ubay-ubay pa sa mga kalihukan ang nakahan-ay susama na lamang sa Araw ng Davao Music and Arts Festival nga adunay 3D drone light show sa Davao City Coastal Road sa Marso 4 ug 5.
Makita ug matilawan usab ang pinakadakong chocolate sa Araw ng Davao Artisan Food and Cacao Market sa Marso 2, Datu Bago Awards karong Marso 8.
Samtang sa Marso 18 pagahimuon ang Parada Dabawenyo o civic parade ug gilaumang mutambong sa nahisgutang kalihukan si Vice President Sara Duterte.
