DAVAO CITY – Gidasig ni Tourism Promotions Board Chief Operating Officer Maria Margarita Nograles ang mga organizers sa MICECON 2023 nga himoong pinakamaayong MICECON nga ilusad sa tanan.
Gikanayon sa opisyal, dagko kini nga oportunidad sa dakbayan ug sa rehiyon nga ipasigarbo sa mga lokal ug langyaw nga bisita ang katakos nga magpahigayon og mga dagkong panagtapok alang sa pangkalibutanong entablado.
Dugang pa ni Nograles nga usa ang Davao City sa mga mag-unang “bleisure” o business and pleasure destinations sa Asya.
Usa sa mamahimong kusog sa pagpahigayon niini ang hugot nga kooperasyon ug suporta sa mga ahensya sa gobyerno ug mga pribadong sektor.
Gatusan ka mga delegado gikan sa meetings, incentive travel, conventions, and exhibitions industry gikan sa ubang parte sa kalibutan ang nagsing-abot na alang sa pag-abli sa MICECON 2023 nga mulungtag gikan karong adlawa Marso 1 hangtud 3, sa SMX Convention Center sa may Lanang, ning dakbayan.
via || Bombo LJF
