DAVAO CITY – Gilauman sa Deparment of Labor and Employment XI nga dul-an 200 ka mga katabang sa dakbayan ang mupartisipar alang sa ilusad nga event sa buhatan nga mao ang “Araw ng Kasambahay Fun Day” nga ipahigayon karong umaabot nga Marso 5,2023.
Sumala ni EDUARDO MONREAL, Task Force Kasambahay Focal, nga kasagaran niini mao ang mga katabang nga naka-enroll sa Alternative Learning System (ALS) sa Departmemt of Education.
Makahatag usab kini og dakong oportunidad alang sa mga katabang sa syudad tungod lauman nga tambungan kini sa mga nagkalain-laing stakeholders sama nalamang sa Technical Education and Skills Development Authority (TESDA), Davao Social Welfare and Development, Department of Interior and Local Government (DILG), Department of Education (DepEd), Pag-ibig fund, Philhealth, SSS, San Pedro College, PIA, CSWDO Davao , ug uban pa.
Tumong sa kalihokan aron nga dali matigom ang mga household workers sa syudad kauban ang mga nagkalain-laing stakeholder nga dunay mga program nga itanyag alang kanila, ingon man mahatagan ang nahisgutan og kahigayonan nga ipakita ang ilang mga katakus.
Highlight usab sa kalihokan ang Kasambahay 2023 aron hatagan og kahigayonan ang kasambahay nga ipakita ilang abilidad.
Ingon man ang TESDA mupahigayon usab og Profiling sa mga katabang aron ilhon kinsa ang kwalipakado nga hatagan og Scholarships.
Tumong usab sa DOLE nga ipahigayon kini sa adlaw nga Domingo gumikan Day-off kini sa mga katabang.
