DAVAO CITY – Nahimong malampusong ang gipahigayon nga Simulation Exercise kon SIMEX sa mga security cluster kagabie sa duha ka lugar dinhi sa syudad. Diim sumala ni Task Force Davao commander Col. Darren Comia, gigraduhan kini og 9.0 over 10 ang maong exercise nga gipahigayon sa Roxas Night Market ug sa PLAZA NOVA FOOD PARK sa Nova Tierra. Suma ni Col. Comia , mapasalamaton usab siya ngadto sa publiko gumikan sa ilang aktibong partisipasyon sa kalihokan, kon diin gilayon gitaho sa usa ka citizen ngadto kanila nga dunay nabiling unattended bag nga dunay sulod nga EID. Alang kang COMIA, na-install gayud sa panghuna-huna sa katawhan ang gipatumang kampanya sa culture of security nga pag “May Nakita, Dapat Magsalita” sa siyudad. Atol sa aktibidad, present ang mga nagkalain-laing security cluster sama sa Public Safety and Security Office (PSSO) , Davao City Police Office (DCPO) , Task Force Davao , 911 , Armed Forced of The Philippines – K9 , ug uban pa. Ang SIMEX usa ka pamaagi sa security cluster aron padayon mamentenar ang kahapsay ug kalinaw sa syudad ilabi na sa nagkaduol nga mga dakong kalihokan sa syudad karong Marso, sama sa Araw nga dabaw.
