DAVAO CITY – Mukabat sa kapin tres syentos ang mga nahimong benepisyaryo sa “Balik Probinsya, Bagong Pag-asa” sa DSWD 11.
Sa pinakaulahing datos nga gipagawas ni Lee Mecris Berdos, BP2P focal sa ahensya, nasa 367 ka mga pamilya o nasa 1,072 ka mga myembro ang naserbisyuhan sa maong programa sa nakalabayng tuig nga hatud ang emergency cash assistance alang sa pagpaospital, pagpalubong ug uban pang galastuson sa emerhensiya.
Tumong sa maong programa nga ma-decongest ang mga dagkung syudad aron makab-ot ang balanse sa development pinaagi sa pagpabalik kanila sa ilang mga probinsya hatud ang mga bag-ong oportunidad sa panginabuhian ug pagpangempleyo.
Kabahin sa maong serbisyo mao ang Transitory Family Support Package nga maghatag og food and non-food items sa mga pamilya sulod sa tulo ka bulan nga transition period.
Ang Transitory Shelter Assistance alang sab sa mga myembro gikan sa mga dagkong syudad aron makabuhat og kaugalingong pinuy-anan.
Lakip na ang Livelihood Settlement Grant alang sa dugang hinabang sa mga panginabuhian nga gipili sa mga myembro niini.
Dugang pa ni Berdos, nakapokus karon ang buhatan sa pagtabang sa mga pamilya nga naapektuhan sa pagsaka sa presyo sa mga palaliton og kadtong mga gipahapa sa mga katalagman.
via || Bombo LJF
