DAVAO CITY – Mukabat sa kapin 73,000 ka mga pamilya dinhi sa Davao Region ang mamahimong kwalipikado isip benepisyaryo sa Pantawid Pamilyang Pilipino Program.
Gikanayon ni Arvin Kent Yu, Regional Information Technology Officer sa DSWD 11, nasa 14,655 ang magagikan sa Davao City; 12,047 sa Davao de Oro; 14,020 sa Davao Oriental; 13,614 gikan sa Davao del Norte; 8,980 ka mga pamilya sa Davao Occidental; ug 10,282 alang sa Davao del Sur.
Dugang pa sa buhatan, niagi kini sa tumang duplicate check ug labaw nang gihilakip sa mga pinakakabus nga mga pamilya nga mapili isip ika-12 nga han-ay sa mga 4Ps beneficiaries.
Samtang gikabutyag sab ni Ricky Tijon, Regional Beneficiary Data Management Officer sa ahensya, nasa dul-ang 24,000 ka mga pamilya ang gipapapha na sa listahanan tungod sa mga nasayrang pagpangilad, inaktibo o dili pagka-kwalipikado alang sa programa.
Gilauman sab alang sa 4.4 million ka mga rehistradong pamilya karong tuig ang ilang abtik nga pakiglambigit sa 4Ps.
via || Bombo LJF
