DAVAO CITY – Nagpadayon ang monitoring sa Provincial Health Office sa Davao de Oro atol sa hulga nga hatud sa hand, foot, and mouth disease sa probinsya.
Sumala ni provincial health officer Dr. Antonio Ybiernas, natala ang pinakadaghang kaso sa HFMD sa lungsod sa Laak nga dunay 141 ka mga kaso, as of February 11.
Samtang, 55 ang natala sa Nabunturan; 52 sa New Bataan; 50 sa Maragusan; 40 sa Mabini; 29 sa Montevista; 18 sa Compostela; 12 sa Monkayo; 9 sa Mawab; 8 sa Maco; ug 4 sa lungsod sa Pantukan.
Sa kinatibuk-an, mukabat sa 418 ang mga kaso sa HFMD sa tibuok probinsya. Pagbutyag sa opisyal, dakong hagit ang pagbaton ug kawang nga hygiene and environmental practices gumikan sa kakuwangon sa lababo ug limpyo nga tubig partikular na sa Laak.
Sagad mahitabo ang pagpanakod sa HFMD ilabi na sa mga bata tungod sab sa dili limpyo nga palibot.
Gawas niana, gikanayon ni Ybiernas nga miubos matud pa ang mga kaso sa kagaw sa ika-unom nga simana sa ilahang monitoring, apan dili pa masayran ko kanus-a kini musaka pagbalik.
Busa, naghinam-hinam na og pagpang-aghat ang buhatan sa mga residente sa probinsya alang sa pagpahigayon ug preventive measures batok hand, foot, and mouth disease sama sa education campaign kalabot niini.
via || Bombo LJF
