DAVAO CITY – Gipapaigmat sa Philippine Institute of Volcanology and Seismology kon PHILVOLCS ang mga lumulupyo sa tulo ka mga probinsya sa Davao Region tungod posibleng masinatian ang magnitude 6.6 hangtud 7.1 nga linog nunot sa nahitabong magnitude 6.1 nga linog kaniadtong Pebrero 1.
Gikanayon ni Dr. Jeffrey Perez, research specialist sa ahensya nga nasayran sa ilang impact assessment nga dunay nakit-an nga mga faults ilawom sa mga probinsya sa Davao del Norte, Davao Oriental ug Davao de Oro diin lauman ang makakusog nga pagtay-og sa yuta sama sa nahitabo kaniadtong 2019 ug 2020 sa Davao del Sur, Sultan Kudarat ug North Cotabato.
Nasayran sab nga atol sa nakalabayng pag-linog, nasinatian sa pipila ka bahin sa Davao de Oro ilabi na sa Compostela, Nabunturan, Montevista, Monkayo, New Bataan ang nasinatiang intensity six nga gikusgon sa maong pag-tay og.
Tambag karon sa ahensya nga lugwayan pa ang information-education campaign sa linog ug papangandamon na ang mga komunidad alang sa posibleng pag-igo niini.
via || Bombo LJF
