DAVAO CITY – Abli ang lokal nga kagamhanan sa Davao del Norte alang sa mga lakang nga pagahimoon sa pagkapasa sa sugyot balaudnon nga magpabalhin sa Davao Light and Power Company ang power distribution rights ngadto sa mga lugar nga giserbisyuhan sa North Davao Electric Cooperative kon NORDECO.
Matud pa kang Davao del Norte Governor Edwin Jubahib nga labawng gikinahanglan ang maong balaudnon aron dayon nang matubag ang nagpahinabong krisis sa kuryente sa probinsya.
Dugang pa nga ang House Bill 6740, magpalapad sa energy services sa DLPC sa probinsya nga matud pa, usa ka dagkong kalampusan ug kalambuan alang sa mga lumulupyo aron makabaton ug bastanteng suplay sa kuryente.
Sa gikasugyot nga balaudnon nga gimugna ni Puwersa ng Bayaning Atleta kon PBA Partylist representative Margarita Ignacia B. Nograles nga nasumitar na sa kongreso kaniadong Enero, gilauman ang pag-expand sa franchise area sa DLPC ngadto sa pipila ka mga lalawigan sa Davao del Norte ug ilabi na sa munsipalidad sa Maco sa Davao de Oro.
Kahinumdumang unom ka tuig na ang nakalabay human gi-veto ni PBBM ang naunang House Bill 10554 gumikan sa posibleng grounds for unconstitutionality tungod sa existing activation sa franchise area sa NORDECO subay sa mga probisyon sa Republic Act No. 9136 kon Electric Power Industry Reform Act.
via || Bombo LJF
