DAVAO CITY – Nagpahinumdom ang lokal nga panggamhanan sa Davao ngadto sa mga negosyante nga asikasuhon na ang renewal sa ilang business permit una pa man mag-Enero 31, ning tuiga.
Gikanayon ni Commitee on Trade and Commerce chairman ug Davao City Councilor Bernard Al-ag nga gawas sa gitaganang mga one-stop-shops gawas sa Sangguniang Panglungsod ug sa Almendras Gym lakip ang walo ka mga District Treasury Office sa dakbayan, giawhag sab ang pagproseso sa ilang business permits online.
Dugang ni Al-ag nga 5% lamang sa mga negosyante ang nakapahimulos sa maong pamaagi diin mas dali hinuon kon itandi sa pisikal nga pag-adto sa opisina.
Gilauman nga maabot sa 50,000 ang mga business permit renewals dinhi sa dakbayan gumikan sab pagbangon sa daghanang mga negosyo nga gipahapa sa pandemya lakip na pagtubo sa mga bag-ong negosyo sa dakbayan.
via || Bombo LJF
