DAVAO CITY – Gipasalig ni PRO XI Spokesperson PMaj Atty. Eudisan Gultiano nga dili “for the show” alang sa mga kapulisan sa rehiyon ang ilang pagsumitar sa courtesy resignation nga gipangayo kanila ni DILG Secretary Benhur Abalos.
Gikanayon ni Gultiano nga nagsubay kini sa kamanduan gikan sa DILG ug mahiusaon sab kini sa PNP National Headquarters alang sa laraw nga internal cleansing ug pagpakgang sa sa pipila ka mga opisyales nga daw nalambigit sa pagpahuyot ug ilegal nga droga.
Dugang pa ni Gultiano nga sutaon pa sa ginatawag nilang Committee on 5 ang mga colonel ug brigader general nga nakapasa na sa ilang resignation.
Kon mapamatud-an sa maong komitiba nga adunay kalambigitan ang mga opsiyales sa ilegal nga droga, ayha pa sila pahamtangan ug bug-at nga silot.
Gipunting sab sa tigpamaba nga adunay katungod ang mga nasutang opisyal nga magpakahilom kon mapamatud-an nga nalambigit sa maong krimen.
Hinuon, ipadangat ngadto sa Directorate for Personnel and Records Management sa PNP National Headquarters sa kauluhan aron pagasugdan ang imbestigasyon.
Sa pikas bahin, sa lahi nga pakighinabi kang DILG Secretary Benhur Abalos, iyang gitino nga magpadayon gihapon ang pagpangatundan sa gipasisante nga mga opisyales sa kapulisan tungod kabahin lamang kini sa jurisical procedure ug wala kini nagpasabot nga hingpit silang pananggalon sa serbisyo.
Gawas na lamang kon napamatud-an ang usa sa mga nasangpit ang nalambigit sa sa ilegal nga binuhatan.
VIA || Bombo LJF
