DAVAO CITY – Nakigpulong na ang Bureau of Customs Davao ug usa ka iladong terminal port sa Pilipinas alang sa laraw nga modernisasyon sa Sasa Port.
Tumong niini ang pagpalapad sa kapasidad niini aron maakomodar ang daghanan pang kargo nga imuntar sa maong pantalan.
Nakigsabot na ang BOC Davao ngadto sa Globalport Terminals Incorporated nga magdumala sa operasyon ug pagpaayo sa usa sa pinakadagkong pantalan sa tibuok Davao Region.
Gikanayon sa buhatan nga parte kini sa ilang laraw nga himoon ang rehiyon isip nag-una sa pangkalibutanong patigayon, subay na sab sa eight-point socioeconomic strategy ni Pangulong Bongbong Marcos sa natad sa invesments ug imprastraktura.
Nasayran sab nga una nang namugna sa Regional Development Council kon RDC niadtong 2014 ug Resolution No. 118 kon Davao Port Modernization Project nga gilaumang magpabansay sa trade access gikan Mindanao paingon sa uban pang parte sa nasud.
Usa sab kini sa giprayoridad nga mga infrastructure projects sa RDC alang sa Mindanao, gawas sa Davao International Airport.
Gilaumang mag pakusgan sa mga proyekto ang ekonomiya sa kinatibuk-ang isla.
via || Bombo LJ Florendo
