DAVAO CITY – Giturn-over na sa National Housing Authority Davao Region ang lapas kinyentos nga mga balay ngadto sa mga informal settlers, indigenous peoples ug mga low-paid government workers.
Personal nga gitunol ngadto sa mga benipesyaryo gikan sa Davao City; Mati City, Davao Oriental; ug Sto. Tomas, Davao del Norte ang mga titulo sa bag-o nilang kapuy-an.
Gipahigayon ang maong turn over sa Balai Pagbabago sa Barangay Lasang, ning dakbayan. Dungan sab gipang-turn over ang kapin 30 mil ka mga balay sa tibuok Pilipinas nga gipangunahan ni President Ferdinand Marcos Jr.
Mapuy-an na sa hingpit ang mga kabalayan sa tulo ka NHA housing projects sa rehiyon, mao ang Balai Pagbabago sa Brgy. Lasang, Davao City; Balai Karoyawan No Bakalag sa Sitio Talos, Brgy San Jose, Sto Tomas, Davao del Norte; ug ang Balai Maganahay sa Brgy Dawan, Mati City, Davao Oriental.
via || Bombo LJ Florendo
