DAVAO CITY – Gikatakdang ilusad sa diri sa Davao City ang dali nga pamaagi alang sa paspas, dali ug kumbinyenteng pamaagi sa pagpalit ug mga panginahanglan sa palengke.
Kini mao ang PalengQR PH, ang pinaka-unang cashless payment method alang sa mga pampublikong merkado diri sa dakbayan ug sa kinatibuk-ang Mindanao.
Usa kini ka proyekto sa City Government of Davao uban ang Banko Sentral ng Pilipinas ug DILG.
Gikanayon ni Zarinah S. Aligsao, Bank Officer IV ug Regional Economic Affairs Staff sa Bangko Sentral, cashless payment ug QR code ang mamahimong dungag nga option sa mga mamalitay sa pagbayad sa mga palaliton gamit ang usa ka iladong digital money app sa nasud.
Dugang sab ni Aligsao nga makabenepisyo niini ang mga mamaligyaay tungod dili na lisud ang pagpangambyo, ug walay risgo sa pagdawat ug daot nga money bills alang sab sa mga mamalitay.
Mukunsad sab ang risgo sa COVID19 gumikan sa cashless method sa pagbayad. Magsugod na karong Nobyembre 23 ang official launching ug registration sa Bangkerohan Public Market alang sa mga mamaligyaay nga buot magtagana niini sa ilang mga tindahan.
Duna sab booth sa Landbank, Asia United Bank, RCBC, ug mga e-money apps sama sa Gcash, PayMaya, and StarPay alang sa mga wala pay accounts.
Gianunsyo sab sa CTTMO ang temporaryong road closures sa bahin sa Marfori Street, gikan corner Pichon Street ngadto sa Datu Bago Street, sugod kagahapon hangtud Nobyembre 23 alang sa mga booths nga itagana alang sa PalengQR PH launching event.
via || Bombo LJ Florendo
