DAVAO CITY -Gipakusgan karon ang strike operation sa National Meat Inspection Services ngadto sa mga slaughterhouse sa rehiyon, kini homan nga nasapon sa NMIS personnel ang mga kabaw ug baka sa usa ka slaughterhouse nga gi-ihaw pinaagi sa pagtingal og tubig o flooding aron mobug-at ang karne.
Gipasidan-an ni Dr. Lailanie Rose Rico ang Regional Technical Director sa National Meat Inspection Services XI ang mga slaughterhouse operators nga kasong kriminal ug silot pagkabilanggo ang atubangon sa mga mupahigayon og flooding sa baka ug kabaw. Gumikan, usa kini ka porma sa pagpang limbong ngadto sa mga konsyumante.
Gawas nga dali mapan-os ang karne sa baka o kabaw nga namatay sa pagtingal og tubig, dako usab ang posibilidad nga maghatag kini og sakit ngadto sa makakaon sa maong karne. Alayon niini, giawhag usab ni Rico ang mga konsyumante nga magbinantayon ug mupalit lamang og karne ngadto sa mga meat vendors nga dunay National Meat Inspection certificate, aron nga masegurong luwas ang pinalit nga karne sa baka o kabaw.
