DAVAO CITY- Dako ang kalipay sa Police Regional Office (PRO) XI gumikan hangtud niining mga orasa, nagpabiling malinawon ug hapsay ang paghinumdom sa kalag-kalag karong adlawa, Nobyembre 1.
Gikumpirma ni PBGen. Benjamin Silo Jr., Regional Director sa PRO XI, nga walay natalang mga dagkong krimen sa Davao Region partikular na diri sa syudad sa Davao.
Matud pa sa opisyal nga pabiling hugot ang implementasyon sa security measure sa mga nagkadaiyang sementeryo ug sam-ang diri sa syudad.
Sa pikas bahin, ubay-ubay na sab ang mga na-assist sa gipangmuntar nga assistance desk sa kapulisan. Padayon sab ang siento porsyento nga pagbantay sa mga police ingon man mga force multipliers .
Sa pikas bahin, gipanaad sab nga kanunay ang paglibot sa mga sakop sa kapulisan ilabi na sa mga panimalay nga ang mga tagtungod anaa sa sementeryo nanagkot og kandila ug nag-ampo alang sa mga patay.
Kauban sab sa PNP ang tibouk pwersa sa Task Force Davao, CTTMO, Public Safety and Security Command Center, Police Auxiliary ug uban pa sa pagpabilin sa kalinaw atol sa paghinumdom sa kalag-kalag.
Ang pahayag ni PBGen. Benjamin Silo Jr., Regional Director sa PRO XI.
