DAVAO CITY – Gipaigmat sa Davao City Disaster Risk Reduction and Management Office ang mga Dabawenyong nahimuyo sa may mga high risk areas tungod sa posibleng epekto sa Tropical Storm Queenie.
Matud pa sa buhatan nga posibleng maapektuhan ang mga nasa coastal areas tungod sa kakusog sa balud nga hatud sa hangin niini, ug ang mga nasa landslide ug flood prone areas tungod sa hatud nga kusog nga ulan.
Kahinumduman niadong Oktubre 29, 19 ka pamilya o nasa dul-ang lapas 60 ka mga indibidwal sa may Brgy. Leon Garcia Sr, Agdao District, ning dakbayan, ang gipahikling sa evacuation centerungod sa paghampak sa kusog nga balud nga gikagub-an sa pipila ka mga balay sa maong barangay.
Sa pikas bahin, usa ang buhatan sa mga nanguna sa relief operations sa mga nabiktima sa Bagyong Paeng sa Cotabato ug Maguindanao.
Pipila sab ka mga sakop ang gipadala sa mga apektadong lugar alang sa rescue operations.
via || Bombo LJ Florendo
