Gikatakdang sabutan sa Davao City Health Office karung simanaha ang mga plano alang sa pagpatuman ug polisiya mahitungod sa Executive Order No. 7 ni Pangulong Bongbong Marcos nga nagtugot sa boluntaryong pagsuot ug face mask sa tanang establisyemento.
Gikanayon ni Dr. Ashley Lopez nga sundon ni Mayor Sebastian Duterte ang maong kamanduan inubanan sa uban pang rekomendasyon sa IATF.
Sa pikas bahin, nagpahimundum ang Department of Health 11 sa katawhan nga kinahanglan gihapon mag-amping sa gilaumang gidaghanon sa mga mubisita sa mitaliwan nang mga minahal sa kinabuhi karong Kalag-kalag, taliwala sa pagpatuman sa maong ordinansa.
Ipasibaw gihapon sa maong executive order ang mga minimum public health standards sama sa social distancing, makanunayong panghugas ug kamot, ug pagbaton ug maayong bentilasyion sa hangin.
via || Bombo LJ Florendo
