DAVAO CITY – Malaumon ang Davao City Economic Enterprise nga hapsay ang paghandom karong umalabot nga kalag-kalag kini gumikan sa gilatag ug gipatumang palisiya sa syudad. Gani gikabutyag ni Acting Administrative Officer City Economic Enterprise Gary Castillo, nga all set na o nahinlo-an na ang mga sementeryo alang sa mga dabawenyo nga buot moduaw og mudagkot sa sam-ang sa ilang mga nitaliwan nga mahal sa kinabuhi.
Sa pikas bahin aminado ang opisyal nga duna gyud pipila ka sementeryo dinhi sa syudad nga kanunay mabahaan homan nga nahimong catch basin sa tubig pero duna na matod pa’y lakang nga gihimo niini ang buhatan. Alayon sa planong pagpahapsay sa mga sam-ang sa syudad pinaagi sa compartmentalization aron nga maplastar ug madecongest ang gidaghanon sa mga namatay.
Gikatakdang isunod sa compartmentalization construction ang sementeryo sa Tagakpan Public Cemetery. Gikabutyag sa opisyal nga maglisud sila sa pag-rehabilitate sa ubang mga sementeryo sanglit napuno na kini sa mga lubngahan ug kinahanglan usab nga ikonsidera ang sanitation code sa nasud alang sa minatay nga maapektuhan sa rehabilitation.
kahinumdumang gipailawom sa compartmentalization ang wireless cemetery sukad niadtong tuig 2012 diin mukabat sa 25 milyon pesos ang budget niini.
