DAVAO CITY – Gilauman ang pagdagsang sa kapin 100,000 ka mga pasahero sa Davao City Overland Transport Terminal alang karong Kalag-kalag.
Gikanayon sa tigdumala sa terminal nga si Aisa Usop, mukabat na sa 1,500 to 2,000 ang byahe sa mga bus sugod karong Oktubre 30, ning tuiga, tungod na sab sa subling pagbalik sa mga mananakayay sa mga nagkandaiyang probinsya human sa kapin duha ka tuig nga pagpundo gumikan sa pandemya.
Ablihan ang Gate 8 kon Employer’s Gate alang sa mga PWDs, tigulang, mabdos ug mga pasaherong walay dalang bagahe.
Dili sab tugutan ang pagdala ug mga ginabawalang hinagiban lakip ang mga endagered na tanom ug hayop nga walay dokumentasyon.
Ipatuman sab sulod sa terminal ang hingpit nga seguridad sa tabang sa Davao City Police Office ug Task Force Davao alang sa inspeksyon sa mga bagahe.
Sa pikas bahin, magpahigayon ug inspeksyon ang LTFRB 11 ug LTO 11 sa mga terminal sa tibuok rehiyon sa mga sakyanan nga mubyahe alang paniguruhon ang kaluwasan sa mga pasahero.
Magpahigayon sab ug sorpresang drug test ang mga sakop sa PDEA 11 sa mga drivers ug kunduktor.
via || Bombo LJ Florendo
