DAVAO CITY – Gikanayon sa usa ka eksperto nga dili dautan ang paghsgot sa reproductive health sa usa ka tawo, ilabi na sa kasamtangang panahon.
Sa nahimong pakighinabi sa Bombo Radyo Davao kay Dr. Gean dela Cruz, usa ka OB-Gynecologist, dagkong hagit ang paglikay sa paghisgot sa ilang estado sa ilang reporductive area.
Matud pa sa doktor, ang kakuwang sa kaala ang usa sa mga hinungdan nganong wala kaayo nahatagan ug pagtagad ang paghisgut niini.
Dungag niini nga ang reproductive health, dili lamang naglangkub sa pakighilawas apan apil sab ang kahimsog sa kalalakin-an ug kababayen-an sa matang sa ilang sexual being.
Kinahanglan sab ang pag-ila sa kaayuhan sa kahimsog sa ilang kinatawo susama na sab sa pag-atiman sa uban pang bahin sa lawas sa tawo.
Gipabuhagay sab ni Dr. Gean nga dili lamang nag-sentro ang reproductive health sa babaye apan apektado sab niini ang mga lalaki.
Pipila ka mga sakit ang posibleng mahiagum sa matag tawo sama sa sexually transmitted diseases kon STDs sama sa HIV/AIDS; cervical ug breast cancers.
via || Bombo LJ Florendo
