DAVAO CITY – Gipahibalo sa Land Transportation Office o LTO XI nga mamahimo na nga makuha ang mga plate numbers sa mga motor ngadto sa maong buhatan matag sabado sugod karong umaabot nga Oktubre 15 ug 29 gikan alas 8 sa buntag hangtod alas 5 sa hapon.
Alang usab sa mga buot mukuha sa susamang plate numbers, mamahimong magdala sa ilang requirements sama na lamang sa photocopy sa Official Receipt ug Certificate of Registration kon OR/CR ug Valid Identification Card. Samtang sa mga di makalugar sa pag-adto sa maong buhatan, mamahimong magdala ang representante niini og authorization letter, photocopy sa OR/CR ug valid ID.
Sa pikas bahin, nagpahimagno ang buhatan sa publiko nga di gayud mutubay ilabi na ngadto sa mga fixers aron makalikay sa pagpanglimbong. Sumala pa sa usa ka kinutlo nga walay mailad kung walay magpailad usab.
Text by || Bombo Danica Baguio
