DAVAO CITY- Ipatuman ang “No facemask, No Entry” sa mga sementeryo o sam-ang ning dakbayan sa Davao. Kini mismo ang gikumpirma ni Angel Sumagaysay, hepe sa Public Safety and Security Command Center (PSSCC) gumikan kini ang gikasabotan sa mga tigdumala sa mga sementeryo aron malikayan ang pagkaylap sa COVID-19 nga alang lamang usab sa kaluwasan sa tanan.
Dugang pa ni Sumagaysay nga hugot nga ginadili ang pagdala og mahait nga hinagiban aron malikayan ang kagubot ug malikayan ang bisan unsa mang madugo nga panghitabo.
Sa pikas bahin, gidili sab ang pagdala og mga drones ug kinahanglan nga transparent ang mga sudlanan sa tubig. Samtang kung mag jacket, mupailalom pa kini sa inspkesyon.
Kahinumduman nga gidili sab ang pag overnight sa sementeryo ug mamahimo lamang nga alas 6 sa buntag hangtod alas 8 sa gabii ang pagdu-aw sa mga minahal sa kinabuhi nga mipanaw.
VIA|| Kaye Marie Gulle
