DAVAO CITY- Hugot nga gimanduan ang kapulisan nga kinahanglan nilang i-rekord ang matag police operations partikukar na sa pag-tunol og warrant of arrest sa mga akusado.
Gibutyag ni PBGEN Oscar Nantes, regional director sa Regional Internal Affairs Service XI, nga ang kapulisan sa rehiyon padayon sa pagpaningkamot nga sundon ang balaod ilabi na ang pag gamit og body worn cameras or bisan unsang alternative recording device sa pagsilbi sa mga warrants ug uban pang operasyon sa kapulisan.
Dugang pa ni Nantes, ang paggamit og body worn cameras mamahimong witness sa mga kapulisan nga ilang ginahimo og tama ang pagpatuman ug pagpahigayon og operasyon tali sa mga suspetsado, kriminal ug uban pang personalidad.
Sa pikas bahin, tungod adunay kakulangon sa issued body worn cams sa kapulisan, gitugot matud pa ang alternative recording device sa pag-record sa mga police operations.
Sumala ni Nantes, sa pagkakaron adunay padayon nga imbestigasyon ang RIAS XI sa mga pulis kansa nakalapas sa compliance sa body cameras atol sa paglusad nila og operasyon.
VIA|| Bryan Chin Abe
