DAVAO CITY – Padayon nga nagahatag og kalidad nga serbisyo ang Aboitiz InfraCapital (AIC) kauban ang Apo Agua Infrastructura Inc pinaagi sa pag-innovate og mga proyekto nga makatabang sa pagpakusog usab sa ekonomiya.
Ang maong buhatan ang mamahimong ikaduha nga source sa tubig sa mga konsumante sa dakbayan sa Dabaw diin gigahinan kini og P12 billion nga pondo alang sa pagmuna sa Davao City Bulk Water Supply Project.
Subay niini, hingpit nga makabenepisyo ang dakbayan sa Dabaw sa bag-o ug sustainable water system sa unang quarter sa sunod tuig 2023.
Ang maong proyekto ang pinaka-una sa matang sa atong nasud nga adunay “Water-Energy Nexus Design Concept” diin ang renewable energy mamugna pinaagi sa “integrated hydroelectric power plant”.
Ang proyektong Apo Agua Davao City Bulk Water Supply ang laumang mag-suplay og 300 million liters nga tubig matag adlaw dinhi sa dakbayan nga magagikan sa Tamugan River.
📸 Apo Agua
Via || Bombo Danica Baguio
