DAVAO CITY- Nagpatabang sa Bureau of Customs-Davao ang anaa sa 200 ka mga indibidwal human nga mabiktima sa ‘love scam’.
Gikanayong ang ihap sa kaso mahitungod niini ang misaka pa gumikan sa holiday season. Hinoon, gipaanad ni Atty. Erastus Sandino Austria, BOC-Davao District Collector, nga naglusad na sila og information campaign aron mapahimangnoan ug ma-alerto ang publiko ug aron dili na madungagan pa ang listahan sa mga mabiktima niini.
Nasayran nga ang love scam usa ka modus diin mugamit og pekeng identity ang usa ka indibidwal diha sa social media ug mamiktima pinaagi sa online love romance.
Sa higayon nga mabayran na ang kantidad nga gipangayo pinaagi sa payment centers, dili na dayon masubay pa ang maong scammer.
Dugang pa sa datos sa BOC-Davao, muabot sa P35,000 ang pinakadakong nabayad sa nabiktima alang sa gituohang gift package nga anaa sa ilang opisina.
