DAVAO CITY- Nakig-partner ang Department of Social Welfare and Development Field Office XI sa Securities and Exchange Commission (SEC) Davao Extension Office alang sa paghatag og technical assistance ngadto sa mga officers sa Sustainable Livelihood Program (SLP) Associations ug SLP staff sa Davao de Oro.
Tumong sa maong training nga ma-edukar ang 17 ka mga SLPA officers gikan sa nagkadaiyang munisipalidad sa Davao de Oro ug 12 ka mga SLP Project Development Officers sa pagrehistro sa mga non-stock corporations.
Ang maong inisyatiba ang resulta sa padayon nga monitoring ug evaluation sa mga Sustainable Livelihood Program Associations sa rehiyon.
Kahinumduman nga tumong sa maong programa nga mapalambo ang ekonomikanhong kahimtang sa mga vulnerable, marginalized, ug disadvantaged nga mga indibidwal ug pamilya sa komunidad pinaagi sa paghatag og suporta sa mga nagkadaiyang local government units ug uban pang government agencies.
