DAVAO CITY – Usa ka dyisenuewbe anyos nga college student ang nakabsan sa kinabuhi human gipailom sa initiation rites sa hazing sa usa ka fraternity group nga Alpha Kappa Rho, Alpha Delta Chapter sa Davao City.
Gikanayon ni Davao City Police Office Spokesperson Police Major Maria Teresita Gaspan, nakit-an sa may Purok Sto. Niño, Sison Village, Upper Mandug, Buhangin District ning dakbayan ang patayng lawas ni August Ceazar Saplot, 19-anyos, graduating Criminology student.
Ginatambalan sab ang usa ka dyiseotso anyos nga kauban sa biktima nga nakahiagum ug serious injuries sa lawas gumikan sa hazing.
Nasikop sa mga sakop sa Davao City Police Office ang unom ka mga suspek nga giilang sila Jeremiah Moya; Leji Wensdy Quibuyen; John Lloyd Sumagang; Harold Joshua Flauta; John Steven Silvosa; Ramel John Gamo; Gilbert Asoy, Jr; ug Roseller Gaentano, pulos mga myembro sa nahisgutang fraternity ug mga estudyante sa University of Mindanao.
Kasamtangan pang ginapangita ang laing pang unom ka mga myembro nga nakaikyas human na-report sa kapulisan.
Gikustodiya kaorn ang mga dinakpan sa Mandug Police Station 13 ug ginahikay ang kasong pagsupak sa Republic Act 8049 kon Anti-Hazing Law batok sa mga nalambigit sa maong krimen.
VIA || Bombo LJ Florendo
