DAVAO CITY – Mag-adopt og kapin 25 ka mga tulonghaan gikan sa nagkalain-laing rehiyon ang state pension fund nga Government Service Insurance System kon GSIS. Kini human nakig-alayon ang GSIS ngadto sa Deparment of Education (DepEd) alang sa bag-ohay lamang nga pab-abli sa face-to-face classes.
Sumala pa kang Wick Veloso, General Manager ug GSIS President, atol sa gipahigayong press conference sa ahensya kagahapon sa dakbayan, kabahin matud pa kini sa ilang programa nga “adopt-a-school-program” kon ASP. Dugang pa ni Veloso, mukabat sa kapin P400,000 nga tabang pinansyal ang gigahin sa GSIS ngadto sa matag 25 ka eskwelehan sa nasud ug unom niini gikan sa Mindanao. Samtang sa rehiyon unse, padayon pa gihapon ang selection process.
Ning kasamtangan, adunay kapin P10 million ang nahatag na ngadto sa mga gipilli nga tulonghaan. Kahinumduman nga sukad 2014, kapin 85 na ka mga eswkwelahan ang naka-benepisyo sa maong programa.
