DAVAO CITY – Mibisita si kanhi Pangulong Rodrigo Duterte ug Senator Christopher “Bong” Go sa haya ni kanhi konsehal sa Davao City nga si Councilor Bonifacio Militar. Atol sa pagbisita sa pangulo, personal kining gisugat sa pamilyang Militar isip suod nga higala sa mipanaw nga konsehal.
Sa gipagawas nga social media post, nagpadayag og pasalamat si Councilor Bonz Militar, apo sa kanhi konsehal. Nagpasalamat kini sa tanang tabang ug suporta nga gihatag sa pangulo ngadto sa ilang pamilya ilabi na kang Boni.
Kahinumduman nga mipanaw si Militar niadtong adlaw nga Huwebes, Septyembre 1 sa edad nga 83 gumikan sa severe pneumonia leading to myocardial infarction. Nahimutang karon ang haya sa anhing konsehal sa Pieta Chapel Cosmopolitan Camus St ning dakbayan sa Davao.
