DAVAO CITY – Nakakolekta ug P3.8 billion worth of revenues karung Agosto ning tuiga ang Bureau of Customs – Davao.
Gikanayon ni BOC-Davao collector Erastus Austria nga mas taas pa kini ug 18.95 percent o P610 million kon itandi sa P3.2 billion nga halin sa miaging bulan.
Dungag pa sa buhatan nga nagmalampuson kini tungod sa gipakusgan nga kolaborasyon ug dayalogo sa mga stakeholders nga nagasalig sa nahisgutang pantalan.
Gipasidunggan sab niya ang Collection District 12 tungod sa maayong performance ug natad sa pagpanerbisyo.
Kaniadto nang nakigpulong ang mga tigdumala sa pantalan ngadto na sa mga shipping lines alang sa paghusay sa tanang mga problema mahitungod sa mga kargamento.
Paningkamutan gihapon sa Port of Davao ang ilang barugan isip usa sa mga nag-unang pantalan sa nasud nga nagahatag ug dagkong usbaw sa ekonomiya sa tibuok rehiyon.
VIA || Bombo LJ Florendo
