DAVAO CITY – Pasakahan og reklamo, mao kana ang hagit alang sa mga draybers nga apekehon sa mga operators nga giugom ang fuel subsidy gikan sa kagamhanan.
Matud pa ni Land Transportation Franchising and Regulatory Board kun LTFRB XI Regional Director Nonito Llanos, mulo karon sa mga draybers ang mga operators nga matud pa gisolo ang gitagana nga fuel subsidy ug wala mihatag og bahin kanila.
Dugang pa, mahulog sa blocklist ang operator nga muugom sa maong kwarta ug di na makadawat sa sunod. Prayoridad sab kini sa maong ahensiya ug pipila na sab ka mga operators ang nasampolan.
Subay sa Memorandum circular, warningan ug pasakahan og sanctions ang mga operator. Mukabat sa 700 na sab ka mga operators ang blocklisted na sa kagamhanan. Busa giawhag karon sa opisyal nga hinanaling mag file og reklamo sailang opisina arun gilayon nga maaksyunan dayon kini.
