DAVAO CITY – Namatikdan sa Davao City Covid-19 Task force nga adunay natalang pagsaka sa ihap sa mga indibidwal nga nagpabakuna sa gipahigayon vaccination rollout alang sa tanang population age groups.
Sumala sa tigpamaba sa maong buhatan nga si Dr. Michelle Schlosser , muabot na sa 102.39 percent ang naabot sa syudad alang sa first dose vaccination drive ug 100.60 percent sa second dose vaccination sa 80.69 percent o 1,327,323 sa kinatibukang population nga 1,531,004 as of August 26,2022.
Gikanayon sa opisyal nga adunay pagsaka ang natala sa ilang output diin 42.53 percent ang natala sa first booster dose samatang 8.14 percent alang sa second booster dose. Malipayon usab gipahayag ni Schlosser nga sulod sa age group nga 12-17 anyos dul-an muabot na sa 100% ang fully vaccinated gikan sa taget nilang porsyento sa maong age group. Samtang ang edad nga 18-59 anyos , muabot na sa 125.72 percent .
Samtang sa pediatric nga anaa sa pangidarong 5 anyos ngadto sa onse anyos, misaka na sa 12.78 percent gikan sa 7 percent ang fully vaccinated as of august 26. Laum ni schlosser nga mapadayon ang pagsaka niini. Samtang nakatala usab og high vaccination turnout ngadto sa mga estudyanteng anaa sa kolegio gumikan kinahanglan kini alang sa ilang face-to-face classes.
Gawas pa niini, ang Bakuna para sa Katawhan sa Kadayawan nga gipahigayon niadtong mga sabado sa agosto , nag-inoculate og kinatibu-ang 2,421 ka mga indibidwal – diin 855 kaniadtong Agosto 13, samtang 676 niadtong Agosto 20, ug 890 niadtong Agosto 27.
Sumala ni Schlosser, makita sa vaccination cluster sa Davao City, task force kon unsa kamahinungdanon ang pagpahigayon og mga bakunahan inig-kataposan sa semana , gumikan mao kini ang sagad –anaa ang mga dabawenyos nga makabisita sa mga vaccination sites. Usa sab kini sa maong hinungdan ngano gituki karon ang posibilidad nga lugawayan pa ang pagpabakuna inig adlaw sabado ug domingo. Sa kasamtangan ang city district healt center ang maoy nagapahigayon og COVID-19 vaccination gikan lunes ngadto sa biyernes.
