DAVAO CITY – Posibleng ablihan sa Setyembre karung tuig ang City College of Davao kon hatagan ang tulinghaan ug pagtugot gikan sa Commission on Higher Education.
Gikanayon ni Chairperson sa Committee on Education ug Davao City Councilor Pilar Braga nga nobenta porsyento nga andam na ang tulunghaan nga mag-abli alang sa enrolment.
Dungag pa sa konsehal, kon dili madayon kini karung tuig, gisiguro gihapon ang operational status niini sunod tuig.
Temporaryo unang ipahimutang ang mga classroom sa usa ka seminaryo sa Catalunan Pequeño.
Samtang itukod ang permanenteng building duol sa University of the Philippines Mindanao sa Bago Oshiro, Mintal, Tugbok District, ning dakbayan.
Sa pag-abli sa maong tulunghaan, prayoridad sa City College of Davao ang mga estudyanteng anaa sa mga low wage earners, indigenous peoples, mga estudyante gikan sa Alternative Learning System ug Late Afternoon Program.
via || Bombo LJ Florendo
