DAVAO CITY – Gikalipay sa Department of Education (DepEd) XI nga subling makita ang mga estudyante sulod sa tagsa-tagsa ka mga tulonghaan nga kapin duha ka tuig nga nabakante gumikan sa pandemya.
Apan gikanayon ni Jenielito Atillo, tigpamaba sa Deped XI nga dili matud pa tanang eskwelahan ang nagpahigayon og “full-blown face-to-face” classes.
Sumala niini nga kadto lamang malampusong nakapahigayon sa pilot implementation sa face-to-face classes ang gitugutang magpahigayon og full face-to-face classes nga gisugdan karong adlawa.
Ang ubang mga tulonghaan ang gitugutang magpahigayon og klase pinaagi sa hybrid learning modality hangtud sa Nobyembre 2.
Giklaro sab sa opisyal nga sa Nobyembre 2, mao na gayud ang gitakda nga adlaw alang sa full implementation sa physical learning modality diin wala nay lain pang learning modality ang himoon.
