DAVAO CITY – Unom-ka barangay sa Davao de Oro ang gideklara nga drug free sa bag-ohay lamang nga report gikan sa Regional Oversight Committee Barangay Drug Clearing nga gipangulohan ni Regional Director Aileen T. Lovitos sa PDEA Regional Office XI nga girepresentahan ni Assistant Regional Director IAV Levi G. Valmoria, uban sa mga miyembro niini gikan sa Department of Interior and Local Government isip Vice-Chairperson, Police Regional Office XI, Department of Health ug Local Government Unit.
Nalakip sa listahan ang Barangay Tagugpo sa Munisipyo sa Pantukan, Barangay Dumlan, Kinuban, Lumatab, Mainit, Masara, New Leyte, Pangi ug Panoaran sa Munisipyo sa Maco Davao de Oro. Gipahigayon ang maong deklarasyon sa Maco Municipal Covered Court, Barangay Binuangan, Maco Davao de Oro human na-validate ang mga dokumento nga gisumite sa siyam ka mga lugar base sa Dangerous Drugs Board Regulation Number 3, Series of 2017 ug PDEA Memorandum Circular number 2020-0 41.
Mitambong atol sa deliberasyon ang mga sakop sa Regional Barangay Drug Clearing Program Team (RBDCPT), Barangay Officials, Barangay Anti-Drug Abuse Council Members ug ubang stakeholders sa nahisgutang probinsya.
Via || DAVID FRANCISQUETE
