DAVAO CITY – Good News alang sa mga Samaleños!
Hingpit nang gideklara nga Drug free ang upat ka mga Barangay sa Talikud Island, Island Garden City of Samal.
Gilangkuban kini sa Barangay Sta. Cruz, Barangay Dadatan, Barangay Cogon ug Barangay Linosutan. Bag-ohay lamang, nagpahigayon og deliberation ang Regional Oversight Committee of Barangay Drug Clearing sa Pavillon Building, Capitol Complex, Mankilam, Tagum City, Davao del Norte diin gitambongan kini sa Island Garden City of Samal Police Station kauban ang City Anti-Drug Abuse Council (CADAC) nga gipangulohan ni Miss Mabel S. Deniega ug mga miyembro sa Barangay Anti-Drug Abuse Council (BADAC) lakip sab ang ilang mga kapitan.
Ang nahisgutang deliberation, gipangulohan ni Iav Levi G. Valmoria, Jermilynne A. Bartolome, Mr. Afif T. Ambor, ug PLt. Col. Michael Jan M Peria.
Girekomenda sa IGACOS PNP kauban ang nahisgutang opisyal nga hingpit nang ideklara isip Drug cleared barangays ang nahisgutang nga mga lugar.
Nunot niini, nagpadayon ang PNP sa pagmintina ug pagkab-ot nga mahimong Drug-Free ang Island Garden City of Samal sa umaabot nga panahon pinaagi sa pagpakusog sa pakigtambayayong sa lokal nga panggamhanan sa IGACOS ngadto sa komunidad niini.
BY BOMBO ALLIANE SILAO
