DAVAO CITY – Gisugdan na karong adlawa ang dugang nga P2 sa minimum fare diin gikan sa P9, nahimo nang P11 ang minimum nga pamasahe sulod sa unang upat ka kilometro.
Kini human nga nadesisyonan sa Land Transportation and Regulatory Board (LTFRB-XI) niadtong milabay nga Miyerkules, Hunyo 29 , 2022, ang pag-apruba sa provincial fair hike sa tibuok nasud.
Nunot kini sa nahimong hangyo sa mga nagkadaiyang transport group sa tibuok nasud diin pipila niini ang petisyon gikan sa 1UTAK, Pasang-Masda, ACTO ug ALTODAP gumikan sa sunod-sunod nga pag-usbaw sa presyo sa petrolyo nga epekto sa gubat tali Russia ug Ukraine.
Kahinumduman, una nang gibutyag sa pipila ka mga PUJ drivers nga napugos na lamang sila muhunong sa pagbiyahe gumikan mas taas pa ang gastos sa ilang gasolina kung itandi sa kita nga ilang maangkon.
Via || Hana Rallos
