DAVAO CITY – Siyam ka mga employer sa dakbayan sa Dabaw ang gihatagan og written order gumikan sa wala pag-remit sa SSS contribution sa ilang mga empleyado.
Kini ang kabahin sa RACE o Run After Contribution Evaders Campaign nga gilusad sa SSS kagahapong adlawa.
Pipila sa gi-isyuhan og written order ang usaka security agency sa Diamond Village, Lanang Davao City human wala lamang gihapon gi-remit niini ang kapin P200,000 nga kanitdad sa SSS contribution sa ilang mga empleyado.
Lakip na usab ang usa ka forwarding company sa Buhangin diin kapin sa P600,000 usab sa SSS contribution sa ilang mga empleyado ang wala pa ma-remit niini.
Gikanayon ni Mary Ellen Estoque, acting Vice President sa SSS Mindnaao South 1 Division nga gihatagan nila og higayon ang mga employers sa pag-reconcile sa ilang mga records tali sa ilang buhatan.
Kung padayon nga dili lamang gihapon motuman ang nahisgutang mga employer, padad-an na nila kini og pahimangno.
Gitin-aw sa SSS nga tumong sa RACE campaign nga maprotektahan ang katungod sa mga SSS members ug dili aron pakaulawan ang mga employer.
Mag-atubang og dakong kantidad sa penalty ug pagkapriso ang mga employer nga dili motuman niini human ang mahatagan og written order.
Via || Angie Chagas
