DAVAO CITY – Gipasalig ni Incoming Davao City Mayor Sebastian “Baste” Duterte nga walay Dabawenyo nga magkulang og pagkaon ilalom sa termino niini.
Kini taliwala sa pagsaka sa presyo sa mga palaliton sa nasud karong panahona.
Dugang gipahayag sa incoming mayor, ipadayon sa administrasyon niini ang pagpaningkamot nga dili lamang ang governance style ni Vice President-elect Sara Duterte ang ipadayon apan buot sab niini nga malabwan pa ang mga nahimong kalampusan sa iyang igsoon.
Nagtuo si Baste nga magpadayon ang paglambo sa siyudad sa higayon nga maangkon ang mga nag-unang panginahanglanon sa katawhan ug masiguro ang food security sa dakbayan.
Samtang subling gipahayag ni outgoing vice mayor Baste nga ang liderato niini ang lahi sa istilo sa iyang amahan nga si Pangulong Rodrigo Duterte ingon man sa iyang igsoon nga si outgoing Mayor Inday Sara Duterte.
Via || Rico Salva
