DAVAO CITY – Gipahigayon ang coordination conference sa AFP may kalabutan sa pagpangandam sa seguridad atol sa inagurasyon ni vice president elect Sara Duterte karong Hunyo 19, 2022 dinhi sa dakbayan sxa dabaw.
Gitambungan mismo ang nahisgutang panagtigum ni Joint Task Force Agila (JTF AGILA) Commander MGen Nolasco A Mempin nga gipahigayon sa Headquarters sa Eastern Mindanao Command (HEMC), sa Panacan, Davao City.
Tumong sa nahisgutang aktibidad nga masiguro ang hugot nga security preparations isip suporta sa pagpanumpa sa Besi presidente sa nasud.
Sa iyang mensahe, gikanayon ni MGen Mempin nga ang Oath Taking ug ang Inauguration ni VP-elect Duterte ang seguradong dugukan sa daghang katawhan ug mga personalidad nga maggikan pa sa gawas nga bahin sa syudad partikular na niadtong mga gikan sa Luzon area.
Dugang pa ni Mempin, dili lamang usaka simple ug ordinaryong VP security operation ang ilang himuon kung dili magsilbi usab kini nga pagsulay ug pagpakita sa gipapsigarbo sa syudad nga Culture of security ug unity o panaghi-usa.
Gibutyag pa sa opisyal nga mopakatag ang JTF Agila ug daghang mga pwersa, equipment ug uban pang mga assets kung gikinahanglan.
Mitambong sa panagtigum si Eastern Mindanao command Deputy Commander and Joint Task Force Haribon Commander BGen Potenciano Camba, 1003rd Brigade Commander BGen Consolito P Yecla, ang Unified Staff sa Eastern mindnaao command sa pagpanguna ni Colonel Nasser P Lidasan, Task Force Davao Deputy Commander Muhamad Yusop Hasan, JTF Agila TRIAD staff, TF Samal Commander Col Jeffrey Cabansay, ug uban pang mga ilalom sa Eastern Mindanao Command.
