DAVAO CITY – Mas gipakusgan sa lokal nga kagamhanan pinaagi sa Tropical Disease Prevention and Control Unit, usaka ancillary unit ilalom sa Davao City Health Office, ang information campaign niini batok sa tanang matang sa mosquito-borne diseases subay sa selebrasyon sa National Dengue Awareness Month sa tibuok bulan sa Hunyo.
Gikanayon ni Melodina Babante, sa Davao City Tropical Disease Prevention and Control Unit, kanunay ang pagpahigayon sa ilang buhatan sa mga prevention ug intervention effeorts aron pakigbatukan ang dengue ug ang uban pang matang sa mosquito-borne diseases sa syudads.
Kini ang gilangkuban sa pakig-alayon sa mga barangay units aron i-monitor ang taas nga kaso sa dengue, indoor residual spraying, distribution sa “dengue kits” ug ang paghatag ug NS1 Dengue test kits alang sa mga suspected dengue patients.
Samtang alang sa paspas ug dali nga diagnosis sa suspected dengue patients, gikanayon ni Babante nga mamahimong mogamit ang mga barangay health centers ug NS1 Dengue test kit alang niadtong mga adunay simtomas sa sakit.
Sulod sa kinse minute mamahimo nang masayran sa health workers kung ang pasyente ang infected sa dengue. Luyo sa walay hunong nga pagpahigayon ug intervention measures sa Tropical Disease Prevention & Control Unit sama sa fogging, dili gihapon garantiya nga mapugnan ang sakit sanglit mamahimong maghatud kini ug dili maayong side effects ngadto sa respiratory system.
Inay, gipahinumduman niini angh publiko nga pinaka-epektiubong pamaagi s apag-pugong sa outbreak ang kanunay nga pagpanglimpyo sa palibot. Gikan January – May 2022, nakatala ang Davao City Tropical Disease Prevention and Control Unit ug kinatibuk-ang 654 cases sa dengue ug tulo namatay sa maong sakit.
