DAVAO CITY – Gipagawas sa Davao City Sports Development Division ang guidelines alang niadtong mga naga-organisa ug mga sports events dinhi sa dakbayan sa Dabaw.
Gikanayon ni Davao City Sports Office Head Mikey Aportadera, gawas sa pag-issue ug permits alang sa mga sports events, i-monitor sa City sports ang actual proceedings aron masiguro nga ang public health precautions, ilabi na ang luwasan ug security plans sa mga organizers ang matuman ug mapabilin hangtud sa tibuok events.
Sumala ni Aportadera, tumong sa pagkuha ug permit nga mapugngan ang posibling surge sa kaso sa covid 19. Subay sa guidelines, ang mga minor events sama sa barangay sports competitions, ang mga organizers ang gi-require nga mopresenta ug letter of intents ngadto sa city sports offices nga adunay detalyadong security ug safety plans alang sa events.
Angayan mokuha ang mga organizers ug certification gikan sa barangay uban sa sulat. Kinahanglan nga mokuha ug permit gikan sa city sports office lima ka adlaw sa dili pa ang pagpahigayon sa event.
Samtang ang mga Major sporting events nagmado sa mga organizers nga mopresenta ug letter of intent nga adunay detalyadong safety and security plans lakip na emergency plans ngadto sa city sports nga i-indorso usab ngadto sa PSSCC.
Kung makuha na ug PSSCC permits, moadto ang organizers sa City Business Bureau aron mokuha ug Special Mayor’s Permit. Ang tanang mga certificates angayang makuha 15 ka adlaw una ang sports events.
