DAVAO CITY – Hugot nga gibantayan karon sa mga personahe sa Land Transportation Franchising and Regulatory Board (LTFRB) 11 ang mga bus stop sa syudad.
Tumong niini aron masiguro nga masiguro nga walay mga bus o van ang magpa-sakay ug mga pasahero sa mga bus stop o sa bisan asa man nga dalan subay na usab sa gipagawas nga kamanduan sa nahisgutang buhatan gumikan sa sunod-sunod nga pagpamomba sa sultan kudarat.
Gikanayon ni LTFRB 11 regional director Nonito Llanos III, kinahanglan nga sundon sa maga drivers ang nahisgutang kamanduan gumikan kay mag-atubang ug silot ang mga masakpang nakasupak niini.
Pamultahon sumala pa ug P5,000 sa first offence, P10,000 nga multa ug 15 ka adlaw nga pag-impound sa unit sa 2nd offense, ug P15,000 nga multa ug pankansela sa prangkisa sa 3rd offense.
Na-una nang gidili sa Davao City Government ug sa Task Force Davao ang pagpasakay og mga pasahero sa mga bus stop o sa mga kalsada arun masigurong walay makasakay nga may mga dautang tinguha.
Gimanduan ang tanang mga pasahero nga bugtong sa Ecoland terminal lamang mosakay.
