DAVAO CITY – Subli gipadayon sa Davao city Social Welfare and Development Office (CSWDO) ug ang Department of Transportation (DoTr) ang ilahang ginahimo nga konsultasyon sa tanang mga stakeholders ilabina sa mga lumad community nga maapektuhan alang sa pagpatuman sa gobyerno sa High Priority Bus System project sa dakbayan sa Dabaw.
Gibutyag ni Atty Marlisa Gallo, head sa CSWDO, sugdan na usab nilag balik himoon ang konsultasyon human kini nahunong gumikan sa pandemya sa COVID-19.
Dugang sa Opisyal, nga ilahang ipasabot gayod og sakto ngadto sa mga hingtungdan sama sa mga lumad ang kamahinungdanon niini nga proyekto ug ilaha sab paminawon kung unsa man ang mahimong balaka ug mulo nga ipaabot kanila gikan sa mga maapektuhan tungod sa pagpatuman og High Priority Bus System project sa dakbayan sa Dabaw
